nikalo koi to surat ki tirgi kam ho

nikālo koī to sūrat ki tīrgī kam ho

hamārā ghar hī jalā do jo raushnī kam ho

hamāre ahd ko raas aa ga.ī vo bād-e-sumūm

ki jis meñ maut ziyāda ho zindagī kam ho

zamāne kaise tujhe apnī raah par laa.e

ham ahl-e-ishq kī kaise ye bebasī kam ho

kisī tarah to numā.ish kā ye nasha utre

kisī tarah to dikhāve kī zindagī kam ho

ye kyā hamesha vafā-o-ḳhulūs kī bāteñ

kuchh aisī baat karo jo kahī sunī kam ho

koī jatan to karo dosto bulāo use

mirī nigāh kī us kī ye pyaas hī kam ho

tumhārā merā ye rishta ajiib hai ki jahāñ

na dostī hī ghaTe aur na dushmanī kam ho

nikalo koi to surat ki tirgi kam ho

hamara ghar hi jala do jo raushni kam ho

hamare ahd ko ras aa gai wo baad-e-sumum

ki jis mein maut ziyaada ho zindagi kam ho

zamane kaise tujhe apni rah par lae

hum ahl-e-ishq ki kaise ye bebasi kam ho

kisi tarah to numaish ka ye nasha utre

kisi tarah to dikhawe ki zindagi kam ho

ye kya hamesha wafa-o-KHulus ki baaten

kuchh aisi baat karo jo kahi suni kam ho

koi jatan to karo dosto bulao use

meri nigah ki us ki ye pyas hi kam ho

tumhaara mera ye rishta ajib hai ki jahan

na dosti hi ghaTe aur na dushmani kam ho