nikal paDe hain sanam raat ke shiwale se

nikal paḌe haiñ sanam raat ke shivāle se

kuchh aaj shahr-e-ġharībāñ meñ haiñ ujāle se

chalo palaT bhī chaleñ apne mai-kade kī taraf

ye aa ga.e kis andhere meñ ham ujāle se

ḳhudā kare ki bikhar jaa.eñ mere shānoñ par

sañvar rahe haiñ ye bādal jo kaale kaale se

butoñ kī ḳhalvat-e-rañgīñ meñ bazm-e-anjum meñ

kahāñ kahāñ na ga.e ham tire havāle se

junūñ kī vādi-e-āzād meñ talab kar lo

nikāl lo hameñ shām-o-sahar ke haale se

hayāt-e-asr mujhe pher de mirā maazī

hasīn thā vo añdherā tire ujāle se

koī manā.e to kaise manā.e dil ko 'shamīm'

ye baat pūchhiye ik ruuTh jaane vaale se

nikal paDe hain sanam raat ke shiwale se

kuchh aaj shahr-e-ghariban mein hain ujale se

chalo palaT bhi chalen apne mai-kade ki taraf

ye aa gae kis andhere mein hum ujale se

KHuda kare ki bikhar jaen mere shanon par

sanwar rahe hain ye baadal jo kale kale se

buton ki KHalwat-e-rangin mein bazm-e-anjum mein

kahan kahan na gae hum tere hawale se

junun ki wadi-e-azad mein talab kar lo

nikal lo hamein sham-o-sahar ke haale se

hayat-e-asr mujhe pher de mera mazi

hasin tha wo andhera tere ujale se

koi manae to kaise manae dil ko 'shamim'

ye baat puchhiye ek ruTh jaane wale se