nikhar saki hai na gul ki na Khaar ki surat

nikhar sakī hai na gul kī na ḳhaar kī sūrat

bahār ab ke na aa.ī bahār kī sūrat

na jaane kaun sī sarsar chalī ki gulshan meñ

uḌā diyā hameñ musht-e-ġhubār kī sūrat

janāb-e-shaiḳh dikhā.eñ mudāhanat kaise

na rah ga.ī koī baaqī farār kī sūrat

ye us ke chehre se kuchh bhī pata na chaltā thā

ki vo adū kī hai sūrat ki yaar kī sūrat

tū hai hamārā vafādār yā raqīb kā hai

dikhā de ab to koī ār-pār kī sūrat

nikhar saki hai na gul ki na KHar ki surat

bahaar ab ke na aai bahaar ki surat

na jaane kaun si sarsar chali ki gulshan mein

uDa diya hamein musht-e-ghubar ki surat

janab-e-shaiKH dikhaen mudahanat kaise

na rah gai koi baqi farar ki surat

ye us ke chehre se kuchh bhi pata na chalta tha

ki wo adu ki hai surat ki yar ki surat

tu hai hamara wafadar ya raqib ka hai

dikha de ab to koi aar-par ki surat