nisar us par na hone se na tang aaya na aar aai

nisār us par na hone se na tañg aayā na aar aa.ī

mire kis kaam āḳhir zindagī-e-musta.ār aa.ī

yahīñ dekhā ki ġhalba ek ko hotā hai lākhoñ par

tabī.at ek baar aa.ī nadāmat laakh baar aa.ī

tire dil se tire lab tak tirī āñkhoñ se mizhgāñ tak

mohabbat be-qarār aa.ī muravvat sharmsār aa.ī

sharāb-e-ishq se karne ko thā tauba ki yaar aayā

mire aaḌe ye nekī kab kī ai parvardigār aa.ī

dil-e-mahzūñ kī aa.heñ mast kartī haiñ mujhe 'kaifī'

ki jab lī saañs maiñ ne mujh ko bū-e-zulf-e-yār aa.ī

nisar us par na hone se na tang aaya na aar aai

mere kis kaam aaKHir zindagi-e-mustaar aai

yahin dekha ki ghalba ek ko hota hai lakhon par

tabiat ek bar aai nadamat lakh bar aai

tere dil se tere lab tak teri aankhon se mizhgan tak

mohabbat be-qarar aai murawwat sharmsar aai

sharab-e-ishq se karne ko tha tauba ki yar aaya

mere aaDe ye neki kab ki ai parwardigar aai

dil-e-mahzun ki aahen mast karti hain mujhe 'kaifi'

ki jab li sans main ne mujh ko bu-e-zulf-e-yar aai