nishan kisi ko milega bhala kahan mera

Najeeb Ahmad

nishan kisi ko milega bhala kahan mera

Najeeb Ahmad

MORE BYNajeeb Ahmad

    nishāñ kisī ko milegā bhalā kahāñ merā

    ki ek ruuh thā maiñ jism thā nishāñ merā

    har ek saañs nayā saal ban ke aatā hai

    qadam qadam abhī baaqī hai imtihāñ merā

    mirī zamīñ mujhe āġhosh meñ sameT bhī le

    na āsmāñ rahūñ maiñ na āsmāñ merā

    chalā gayā tire hamrāh ḳhauf-e-rusvā.ī

    ki raaz thā aur rāz-dāñ merā

    tujhe bhī merī tarah dhuup chaaT jā.egī

    agar rahā na tire sar pe sā.ebāñ merā

    malāl-e-rañg-e-jalāl-o-jamāl Thahrā hai

    dayār-e-sañg huā hai dayār-e-jāñ merā

    ka.ī 'najīb' isī aag se janam leñge

    ki merī raakh se banñā hai āshiyāñ merā

    nishan kisi ko milega bhala kahan mera

    ki ek ruh tha main jism tha nishan mera

    har ek sans naya sal ban ke aata hai

    qadam qadam abhi baqi hai imtihan mera

    meri zamin mujhe aaghosh mein sameT bhi le

    na aasman ka rahun main na aasman mera

    chala gaya tere hamrah KHauf-e-ruswai

    ki tu hi raaz tha aur tu hi raaz-dan mera

    tujhe bhi meri tarah dhup chaT jaegi

    agar raha na tere sar pe saeban mera

    malal-e-rang-e-jalal-o-jamal Thahra hai

    dayar-e-sang hua hai dayar-e-jaan mera

    kai 'najib' isi aag se janam lenge

    ki meri rakh se banna hai aashiyan mera

    Source :
    • Book : Ibaraten (Pg. 49)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY