nizam-e-gulshan-e-hasti badal ke dam lenge
nizām-e-gulshan-e-hastī badal ke dam leñge
hudūd-e-ranj-o-alam se nikal ke dam leñge
shu'ūr hāsil-e-maqsad jise samajhtā hai
ye azm hai usī manzil pe chal ke dam leñge
matā-e-amn luTā.eñge ham zamāne meñ
nizām-e-jabr-o-tashaddud kuchal ke dam leñge
nadīm bahr-e-musībat meñ sūrat-e-tūfāñ
machal machal ke uTheñge sañbhal ke dam leñge
nahīñ pasand rivāj-e-kohan hameñ 'qaisar'
na.e nizām ke sāñche meñ Dhal ke dam leñge
nizam-e-gulshan-e-hasti badal ke dam lenge
hudud-e-ranj-o-alam se nikal ke dam lenge
shu'ur hasil-e-maqsad jise samajhta hai
ye azm hai usi manzil pe chal ke dam lenge
mata-e-amn luTaenge hum zamane mein
nizam-e-jabr-o-tashaddud kuchal ke dam lenge
nadim bahr-e-musibat mein surat-e-tufan
machal machal ke uThenge sanbhal ke dam lenge
nahin pasand riwaj-e-kohan hamein 'qaisar'
nae nizam ke sanche mein Dhal ke dam lenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
