aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

numayan muntaha-e-sai-e-paiham hoti jati hai

Josh Malihabadi

numayan muntaha-e-sai-e-paiham hoti jati hai

Josh Malihabadi

MORE BYJosh Malihabadi

    numāyāñ muntahā-e-sai-e-paiham hotī jaatī hai

    tabī.at be-niyāz-e-har-do-ālam hotī jaatī hai

    uThī jaatī hai dil se haibat-e-ālām-e-rūhānī

    jarāhat bahr-e-qalb-e-zār marham hotī jaatī hai

    kinārā kar rahā hai ruuh se haijān-e-sartābī

    ki gardan justujū ke shauq meñ ḳham hotī jaatī hai

    junūñ chhā rahā hai zindagī par ik dhundalkā

    ḳhirad raushnī siine meñ maddham hotī jaatī hai

    nasīm-e-be-niyāzī aa rahī hai bām-e-gardūñ se

    urūs-e-mudda.ā zulf barham hotī jaatī hai

    numāyāñ ho chalā hai ik jahāñ chashm-e-tasavvur par

    nazar shāyad harīf-e-sāġhar-e-jam hotī jaatī hai

    girah yuuñ khul rahī hai har nafas zauq-e-tamāshā

    ki har adnā shai ab ek aalam hotī jaatī hai

    fazā meñ kāñptī haiñ dhundlī dhundlī nuqra.ī shakleñ

    har ik taḳh.īl-e-pākīza mujassam hotī jaatī hai

    na jaane sīna-e-ehsās par ye haat hai kis

    tabī.at be-niyāz-e-shādī-o-ġham hotī jaatī hai

    samajh meñ aa.eñ kyā bārīkiyāñ qānūn-e-qudrat

    ibādat kasrat-e-ma.anī se mub.ham hotī jaatī hai

    ḳhajil thā jis shorish se talātum bahr-e-hastī

    mire dil meñ vo halchal 'josh' ab kam hotī jaatī hai

    numayan muntaha-e-sai-e-paiham hoti jati hai

    tabiat be-niyaz-e-har-do-alam hoti jati hai

    uThi jati hai dil se haibat-e-alam-e-ruhani

    jarahat bahr-e-qalb-e-zar marham hoti jati hai

    kinara kar raha hai ruh se haijaan-e-sartabi

    ki gardan justuju ke shauq mein KHam hoti jati hai

    junun ka chha raha hai zindagi par ek dhundalka sa

    KHirad ki raushni sine mein maddham hoti jati hai

    nasim-e-be-niyazi aa rahi hai baam-e-gardun se

    urus-e-muddaa ki zulf barham hoti jati hai

    numayan ho chala hai ek jahan chashm-e-tasawwur par

    nazar shayad harif-e-saghar-e-jam hoti jati hai

    girah yun khul rahi hai har nafas zauq-e-tamasha ki

    ki har adna si shai ab ek aalam hoti jati hai

    faza mein kanpti hain dhundli dhundli nuqrai shaklen

    har ek taKHil-e-pakiza mujassam hoti jati hai

    na jaane sina-e-ehsas par ye hat hai kis ka

    tabiat be-niyaz-e-shadi-o-gham hoti jati hai

    samajh mein aaen kya barikiyan qanun-e-qudrat ki

    ibaadat kasrat-e-mani se mubham hoti jati hai

    KHajil tha jis ki shorish se talatum bahr-e-hasti ka

    mere dil mein wo halchal 'josh' ab kam hoti jati hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now