numud-e-sham jo tira-shabi bhi deti hai

numūd-e-shām jo tīra-shabī bhī detī hai

ba-iḳhtitām-e-safar raushnī bhī detī hai

ye baat ahl-e-ḳhirad kī samajh meñ aa na sakī

junūñ kī be-ḳhabarī āgahī bhī detī hai

bahut hī ḳhuub hai yaaro ḳhulūs-e-dil-dārāñ

ajiib azm magar bekasī bhī detī hai

sukūt-e-sāz meñ āhañg-e-dard-e-dil muzmar

sadā-e-karb kabhī ḳhāmushī bhī detī hai

nishān-e-jāda-e-manzil ba-rah-ravān-e-vafā

shab-e-siyāh meñ ḳhud tīrgī bhī detī hai

vo ek sā.ad-e-sīmīñ vo ek māh-jabīñ

sukūn-e-qalb ko āshuftagī bhī detī hai

ye kah rahī thī nasīm-e-sahar kanār-e-furāt

zamīn-e-qatl-e-vafā zindagī bhī detī hai

numud-e-sham jo tira-shabi bhi deti hai

ba-iKHtitam-e-safar raushni bhi deti hai

ye baat ahl-e-KHirad ki samajh mein aa na saki

junun ki be-KHabari aagahi bhi deti hai

bahut hi KHub hai yaro KHulus-e-dil-daran

ajib azm magar bekasi bhi deti hai

sukut-e-saz mein aahang-e-dard-e-dil muzmar

sada-e-karb kabhi KHamushi bhi deti hai

nishan-e-jada-e-manzil ba-rah-rawan-e-wafa

shab-e-siyah mein KHud tirgi bhi deti hai

wo ek saad-e-simin wo ek mah-jabin

sukun-e-qalb ko aashuftagi bhi deti hai

ye kah rahi thi nasim-e-sahar kanar-e-furaat

zamin-e-qatl-e-wafa zindagi bhi deti hai