nur-e-iman ko baDhao to koi baat bane

nūr-e-īmāñ ko baḌhāo to koī baat bane

apne bātin ko sajāo to koī baat bane

ilm kī sham.a jalā.ī hai bahut logoñ ne

zulmat-e-jahl miTāo to koī baat bane

hāsidoñ ko kabhī ḳhush hone kā mauqa na mile

un ko tum ḳhuub jalāo to koī baat bane

saḳht dushvār hai ye rāh-e-mohabbat kā safar

us pe ḳhud chal ke dikhāo to koī baat bane

dil kisī kā bhī dukhānā nahīñ achchhā hotā

rote logoñ ko hañsāo to koī baat bane

ilm hai jin kā faqat lafz-o-bayāñ tak mahdūd

bā-amal un ko banāo to koī baat bane

husn-e-aḳhlāq kī tāsīr yaqīnī hai 'azīz'

is se dushman ko dabāo to koī baat bane

nur-e-iman ko baDhao to koi baat bane

apne baatin ko sajao to koi baat bane

ilm ki shama jalai hai bahut logon ne

zulmat-e-jahl miTao to koi baat bane

hasidon ko kabhi KHush hone ka mauqa na mile

un ko tum KHub jalao to koi baat bane

saKHt dushwar hai ye rah-e-mohabbat ka safar

us pe KHud chal ke dikhao to koi baat bane

dil kisi ka bhi dukhana nahin achchha hota

rote logon ko hansao to koi baat bane

ilm hai jin ka faqat lafz-o-bayan tak mahdud

ba-amal un ko banao to koi baat bane

husn-e-aKHlaq ki tasir yaqini hai 'aziz'

is se dushman ko dabao to koi baat bane