nur-e-iman surma-e-chashm-e-dil-o-jaan kijiye

Sahir Dehlavi

nur-e-iman surma-e-chashm-e-dil-o-jaan kijiye

Sahir Dehlavi

MORE BYSahir Dehlavi

    nūr-e-īmāñ surma-e-chashm-e-dil-o-jāñ kījiye

    parda-dār-e-husn-e-yaktā chashm-e-hairāñ kījiye

    mushkilāt-e-rāh ko himmat se āsāñ kījiye

    tai fanā manzileñ uftān-o-ḳhīzāñ kījiye

    be-hijābāna ḳhud-ārā.ī ke sāmāñ kījiye

    maz.har-e-shān-e-tajallī bazm-e-imkāñ kījiye

    haiñ man-o-tū jalva-e-hā-e-husn-e-vahdat hijāb

    sham-e-bazm-e-ḳhud-shanāsī nūr-e-irfāñ kījiye

    jalva-hā-e-tūr takrār tajdīd ho

    lan-tarānī se masāvī kufr-o-īmāñ kījiye

    shirk gar manzūr hai aur hai anal-haq nā-qubūl

    daar par mansūr ko khichvā.iye haañ kījiye

    ḳhud-numā.ī naaz hai andāz ḳhud-ārā.iyāñ

    jalva-e-jāñ se munavvar qalb-e-insāñ kījiye

    kaif-e-mastī meñ ki irfān-e-junūñ meñ al-ġharaz

    har ik band-e-naqāb-e-rū-e-jānāñ kījiye

    kar diyā rahmat ne nūrānī mirā zulmat-kada

    nosh-e-jāñ jām-e-safā se āb-e-haivāñ kījiye

    rahravān-e-jāda-e-ishq-o-fanā mansūr haiñ

    ārzū-hā-e-do-ālam un pe qurbāñ kījiye

    ham haiñ hindī aur hamārā mulk hai hindostāñ

    hind meñ paidā tasavvuf ke zabāñ-dāñ kījiye

    mastiyāñ 'sāhir' haiñ jām-e-mai-e-tauhīd se

    ho sake to aise kāfir ko musalmāñ kījiye

    nur-e-iman surma-e-chashm-e-dil-o-jaan kijiye

    parda-dar-e-husn-e-yakta chashm-e-hairan kijiye

    mushkilat-e-rah ko himmat se aasan kijiye

    tai fana ki manzilen uftan-o-KHizan kijiye

    be-hijabana KHud-arai ke saman kijiye

    mazhar-e-shan-e-tajalli bazm-e-imkan kijiye

    hain man-o-tu jalwa-e-ha-e-husn-e-wahdat ka hijab

    sham-e-bazm-e-KHud-shanasi nur-e-irfan kijiye

    jalwa-ha-e-tur ki takrar ya tajdid ho

    lan-tarani se masawi kufr-o-iman kijiye

    shirk gar manzur hai aur hai anal-haq na-qubul

    dar par mansur ko khichwaiye han kijiye

    KHud-numai naz hai andaz KHud-araiyan

    jalwa-e-jaan se munawwar qalb-e-insan kijiye

    kaif-e-masti mein ki irfan-e-junun mein al-gharaz

    wa har ek band-e-naqab-e-ru-e-jaanan kijiye

    kar diya rahmat ne nurani mera zulmat-kada

    nosh-e-jaan jam-e-safa se aab-e-haiwan kijiye

    rahrawan-e-jada-e-ishq-o-fana mansur hain

    aarzu-ha-e-do-alam un pe qurban kijiye

    hum hain hindi aur hamara mulk hai hindostan

    hind mein paida tasawwuf ke zaban-dan kijiye

    mastiyan 'sahir' ki hain jam-e-mai-e-tauhid se

    ho sake to aise kafir ko musalman kijiye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY