pa-e-ghair aur mera sar dekho

pā-e-ġhair aur merā sar dekho

TuuT jaa.e na sañg-e-dar dekho

ek aalam paḌā hai chakkar meñ

gardish-e-chashm-e-fitna-gar dekho

maiñ nazar-band ġhair madd-e-nazar

apnā dil aur mirā jigar dekho

chashm pur-nam hai tan ġhubār-ālūd

aan kar sair-e-bahr-o-bar dekho

fikr-e-ifshā-e-rāz kyuuñ na karūñ

kyā hayā-ḳhez hai nazar dekho

hai digar-gūñ marīz-e-ġham kā haal

ho sake to davā bhī kar dekho

ġhair jhalte haiñ ab unheñ pañkhā

asar-e-āh-e-pur-sharar dekho

kam-numā.ī-o-ḳheshtan-bīnī

kitne be-dīd ho idhar dekho

pa-e-ghair aur mera sar dekho

TuT jae na sang-e-dar dekho

ek aalam paDa hai chakkar mein

gardish-e-chashm-e-fitna-gar dekho

main nazar-band ghair madd-e-nazar

apna dil aur mera jigar dekho

chashm pur-nam hai tan ghubar-alud

aan kar sair-e-bahr-o-bar dekho

fikr-e-ifsha-e-raaz kyun na karun

kya haya-KHez hai nazar dekho

hai digar-gun mariz-e-gham ka haal

ho sake to dawa bhi kar dekho

ghair jhalte hain ab unhen pankha

asar-e-ah-e-pur-sharar dekho

kam-numai-o-KHeshtan-bini

kitne be-did ho idhar dekho