paband-e-hukm-e-girya-e-be-iKHtiyar hun

pāband-e-hukm-e-girya-e-be-iḳhtiyār huuñ

maiñ sail-e-ābshār huuñ abr-e-bahār huuñ

abr-e-bahār huuñ na fazā-e-bahār huuñ

maiñ gard-e-dāman-e-chaman-e-rozgār huuñ

ai bāġhbān-e-gulshan-e-hastī batā mujhe

apnī bahār huuñ ki chaman kī bahār huuñ

haiñ yaañ ke zarre zarre meñ be-tābiyāñ mirī

maiñ jān-e-be-qarār-o-dil-e-be-qarār huuñ

kahtā hai husn-e-yār se husn-e-nigāh-e-misr

chaḌhtī bahār tū maiñ utartī bahār huuñ

ab maiñ kahāñ zamīn-o-fazā-e-vatan kahāñ

'beḳhud' maiñ āñdhiy.oñ kā uḌāyā ġhubār huuñ

paband-e-hukm-e-girya-e-be-iKHtiyar hun

main sail-e-abshaar hun abr-e-bahaar hun

abr-e-bahaar hun na faza-e-bahaar hun

main gard-e-daman-e-chaman-e-rozgar hun

ai baghban-e-gulshan-e-hasti bata mujhe

apni bahaar hun ki chaman ki bahaar hun

hain yan ke zarre zarre mein be-tabiyan meri

main jaan-e-be-qarar-o-dil-e-be-qarar hun

kahta hai husn-e-yar se husn-e-nigah-e-misr

chaDhti bahaar tu main utarti bahaar hun

ab main kahan zamin-o-faza-e-watan kahan

'beKHud' main aandhiyon ka uDaya ghubar hun