pagal hun puri ki puri jhakki hun

pāgal huuñ puurī kī puurī jhakkī huuñ

is se baḌh kar kyā batlā.ūñ kaisī huuñ

terī ḳhātir kyā kyā sochā thā maiñ ne

terī ḳhātir kyā kyā sochā kartī huuñ

raas aatā hai guḌiyoñ kā ye khel mujhe

andar se shāyad maiñ ab bhī bachchī huuñ

behtar hogā apnī anā par qaabū rakh

varna maiñ bhī apnī zid kī pakkī huuñ

aisā lagtā hai mujh ko pī jā.egā

ye jo gahre paanī se maiñ Dartī huuñ

jab bhī mujh ko ḳhvāb safar kā aatā hai

uTh kar phir maiñ niiñd meñ chalne lagtī huuñ

ek dhueñ kā chhallā terī cigarette kā

maiñ apnī uñglī meñ pahnā rakhtī huuñ

pagal hun puri ki puri jhakki hun

is se baDh kar kya batlaun kaisi hun

teri KHatir kya kya socha tha main ne

teri KHatir kya kya socha karti hun

ras aata hai guDiyon ka ye khel mujhe

andar se shayad main ab bhi bachchi hun

behtar hoga apni ana par qabu rakh

warna main bhi apni zid ki pakki hun

aisa lagta hai mujh ko pi jaega

ye jo gahre pani se main Darti hun

jab bhi mujh ko KHwab safar ka aata hai

uTh kar phir main nind mein chalne lagti hun

ek dhuen ka chhalla teri cigarette ka

main apni ungli mein pahna rakhti hun