pani ka ajab taur tha pani se nikal kar
paanī kā ajab taur thā paanī se nikal kar
sailāb kī sūrat thā ravānī se nikal kar
sunñe ko jo baiThe haiñ unheñ kaise batā.ūñ
kirdār koī gum hai kahānī se nikal kar
kahnī hai koī baat to kah sīdhī zabāñ meñ
alfāz ke pur-pech ma.ānī se nikal kar
zindānī-e-ulfat hai kahāñ aaj zamāna
ye dekh kisī yaad purānī se nikal kar
taktā rahā tezī se badalte hue manzar
phirtā rahā maiñ yaad suhānī se nikal kar
bhar rakkhā thā ḳhush-bū ne mire sehn ko 'shāhīñ'
kone meñ khilī raat kī raanī se nikal kar
pani ka ajab taur tha pani se nikal kar
sailab ki surat tha rawani se nikal kar
sunne ko jo baiThe hain unhen kaise bataun
kirdar koi gum hai kahani se nikal kar
kahni hai koi baat to kah sidhi zaban mein
alfaz ke pur-pech maani se nikal kar
zindani-e-ulfat hai kahan aaj zamana
ye dekh kisi yaad purani se nikal kar
takta raha tezi se badalte hue manzar
phirta raha main yaad suhani se nikal kar
bhar rakkha tha KHush-bu ne mere sehn ko 'shahin'
kone mein khili raat ki rani se nikal kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
