panw mein qais ke zanjir bhali lagti hai
panw mein qais ke zanjir bhali lagti hai
Mushafi Ghulam Hamdani
MORE BYMushafi Ghulam Hamdani
paañv meñ qais ke zanjīr bhalī lagtī hai
yuuñ hī dīvāne kī tasvīr bhalī lagtī hai
apnī kyā tujh se kahūñ tū hī kah apnī mujh se
ki mujhe terī hī taqrīr bhalī lagtī hai
ḳhush-numā hai tire aariz pe ye ḳhat yuuñ jis tarah
gird qur.ān ke tafsīr bhalī lagtī hai
jab mire ḳhuun meñ hotī hai vo rañgīñ qātil
us ghaḌī kyā tirī shamshīr bhalī lagtī hai
hotī hai āshiq o ma.ashūq kī jis meñ tasvīr
apnī āñkhoñ meñ vo ta.amīr bhalī lagtī hai
merī tasvīr ko ġhamnāk tū khīñch ai maanī
shakl ushshāq kī dil-gīr bhalī lagtī hai
'mus.hafī' baaje hai naubat to dar-e-'āsif' par
kyā hī āvāz-e-bam-o-zer bhalī lagtī hai
panw mein qais ke zanjir bhali lagti hai
yun hi diwane ki taswir bhali lagti hai
apni kya tujh se kahun tu hi kah apni mujh se
ki mujhe teri hi taqrir bhali lagti hai
KHush-numa hai tere aariz pe ye KHat yun jis tarah
gird quran ke tafsir bhali lagti hai
jab mere KHun mein hoti hai wo rangin qatil
us ghaDi kya teri shamshir bhali lagti hai
hoti hai aashiq o mashuq ki jis mein taswir
apni aankhon mein wo tamir bhali lagti hai
meri taswir ko ghamnak tu khinch ai mani
shakl ushshaq ki dil-gir bhali lagti hai
'mushafi' baje hai naubat to dar-e-'asif' par
kya hi aawaz-e-bam-o-zer bhali lagti hai
- Book : kulliyat-e-mas.hafii(Vol-4)(pdf) (Pg. 272)
- Author : Ghulam hamdani Mashafi
- Publication : Qaumi council baraye -farogh urdu (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
