panw mein tare bandh jaen to dariya daman hoga

paañv meñ taare bañdh jaa.eñ to dariyā dāman hogā

kin chāñdoñ kā nuur churā kar siina raushan hogā

ḳhvāb ke hauzoñ ke andar hī hai aañsū kā halqa

ġhaar se bāhar niklegā to chehra madfan hogā

aañkh falak pakḌegī par haa.e qadmoñ kī qismat

paañv se jangal lipTeñge aur sar par sāvan hogā

barf pahāḌoñ par pighlegī siine meñ ummīdeñ

sard havāoñ meñ nagrī kī saañs kā īñdhan hogā

dard kā kanThā chanchal naarī ko būḌhā kar degā

phuul se māthe kī chūḌī meñ zaḳhm kā roġhan hogā

panw mein tare bandh jaen to dariya daman hoga

kin chandon ka nur chura kar sina raushan hoga

KHwab ke hauzon ke andar hi hai aansu ka halqa

ghaar se bahar niklega to chehra madfan hoga

aankh falak pakDegi par hae qadmon ki qismat

panw se jangal lipTenge aur sar par sawan hoga

barf pahaDon par pighlegi sine mein ummiden

sard hawaon mein nagri ki sans ka indhan hoga

dard ka kanTha chanchal nari ko buDha kar dega

phul se mathe ki chuDi mein zaKHm ka roghan hoga