pata nahin jo lazzat-e-ah-e-sahar ko main

Asghar Gondvi

pata nahin jo lazzat-e-ah-e-sahar ko main

Asghar Gondvi

MORE BYAsghar Gondvi

    paatā nahīñ jo lazzat-e-āh-e-sahar ko maiñ

    phir kyā karūñgā le ke ilāhī asar ko maiñ

    āshob-gāh-e-hashr mujhe kyuuñ ajiib ho

    jab aaj dekhtā huuñ tirī rahguzar ko maiñ

    aisā bhī ek jalva thā us meñ chhupā huā

    us ruḳh pe dekhtā huuñ ab apnī nazar ko maiñ

    jiinā bhī aa gayā mujhe marnā bhī aa gayā

    pahchānñe lagā huuñ tumhārī nazar ko maiñ

    vo shoḳhiyoñ se jalva dikhā kar to chal diye

    un ḳhabar ko jā.ūñ ki apnī ḳhabar ko maiñ

    aahoñ ne merī ḳhirman-e-hastī jalā diyā

    kyā muñh dikhā.ūñgā tirī barq-e-nazar ko maiñ

    baaqī nahīñ jo lazzat-e-bedāri-e-fanā

    phir kyā karūñgā zindagi-e-be-asar ko maiñ

    'asġhar' mujhe junūñ nahīñ lekin ye haal hai

    ghabrā rahā huuñ dekh ke dīvār-o-dar ko maiñ

    pata nahin jo lazzat-e-ah-e-sahar ko main

    phir kya karunga le ke ilahi asar ko main

    aashob-gah-e-hashr mujhe kyun ajib ho

    jab aaj dekhta hun teri rahguzar ko main

    aisa bhi ek jalwa tha us mein chhupa hua

    us ruKH pe dekhta hun ab apni nazar ko main

    jina bhi aa gaya mujhe marna bhi aa gaya

    pahchanne laga hun tumhaari nazar ko main

    wo shoKHiyon se jalwa dikha kar to chal diye

    un ki KHabar ko jaun ki apni KHabar ko main

    aahon ne meri KHirman-e-hasti jala diya

    kya munh dikhaunga teri barq-e-nazar ko main

    baqi nahin jo lazzat-e-bedari-e-fana

    phir kya karunga zindagi-e-be-asar ko main

    'asghar' mujhe junun nahin lekin ye haal hai

    ghabra raha hun dekh ke diwar-o-dar ko main

    RECITATIONS

    Nomaan Shauque

    Nomaan Shauque

    Nomaan Shauque

    pata nahin jo lazzat-e-ah-e-sahar ko main Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY