pate hain apne ko ab tak lutf se begana hum

Abdur Rahman Asif

pate hain apne ko ab tak lutf se begana hum

Abdur Rahman Asif

MORE BYAbdur Rahman Asif

    paate haiñ apne ko ab tak lutf se begāna ham

    ai haram vaale kareñ ābād kyā but-ḳhāna ham

    mere dīvāne kahā thā ne ik din naaz se

    ab tak apne ko samajhte haiñ tirā dīvāna ham

    husn ko apne liye ik aa.ina darkār thā

    mahv-e-hairat the hue vaqf-e-ruḳh-e-jānāna ham

    tum kaho to pher leñ apnī haqīqat se bhī aañkh

    tum suno to chheḌ deñ koī nayā afsāna ham

    chāhte haiñ vo hamārī taraf maa.il rahe

    us bazm-e-nāz ko samjhe haiñ ḳhalvat-ḳhāna ham

    dekheñ kyā aa.e nazar ḳhākistar-e-parvāna meñ

    dekhte haiñ sham.a meñ soz-e-dil-e-parvāna ham

    vaqt Dālegā hamārī bhī haqīqat par naqāb

    vo bhī din aa.egā jab ho jā.eñge afsāna ham

    lauTte kyā tere maiḳhāne se be-nail-e-marām

    mai na haath aa.ī to ġham se bhar chale paimāna ham

    jā-ba-jā aatā gayā us navāzish bayāñ

    apne dil der tak kahte rahe afsāna ham

    laḌkhaḌātā dekh kar saaqī sahāre ko baḌhā

    aa qadam le leñ tire ai laġhzish-e-mastāna ham

    us afsūn-e-nazar hai apnā unvān-e-kalām

    us ke afsūñ 'āsif' kahte haiñ afsāna ham

    pate hain apne ko ab tak lutf se begana hum

    ai haram wale karen aabaad kya but-KHana hum

    mere diwane kaha tha tu ne ek din naz se

    ab tak apne ko samajhte hain tera diwana hum

    husn ko apne liye ek aaina darkar tha

    mahw-e-hairat the hue waqf-e-ruKH-e-jaanana hum

    tum kaho to pher len apni haqiqat se bhi aankh

    tum suno to chheD den koi naya afsana hum

    chahte hain wo hamari hi taraf mail rahe

    us ki bazm-e-naz ko samjhe hain KHalwat-KHana hum

    dekhen kya aae nazar KHakistar-e-parwana mein

    dekhte hain shama mein soz-e-dil-e-parwana hum

    waqt Dalega hamari bhi haqiqat par naqab

    wo bhi din aaega jab ho jaenge afsana hum

    lauTte kya tere maiKHane se be-nail-e-maram

    mai na hath aai to gham se bhar chale paimana hum

    ja-ba-ja aata gaya us ki nawazish ka bayan

    apne dil ka der tak kahte rahe afsana hum

    laDkhaData dekh kar saqi sahaare ko baDha

    aa qadam le len tere ai laghzish-e-mastana hum

    us ka afsun-e-nazar hai apna unwan-e-kalam

    us ke afsun hi ka 'asif' kahte hain afsana hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now