paya jo tujhe to kho gae hum

paayā jo tujhe to kho ga.e ham

bedār hue to so ga.e ham

dil meñ liye ġhair ko ga.e ham

ek aa.e adam se do ga.e ham

mahshar meñ lagī bujhāne aa.e shaiḳh

sīdhe tasnīm ko ga.e ham

samjhe na vo zaḳhm-o-dāġh-e-dil hai

le kar na.e phuul do ga.e ham

bhar kar dam-e-naz.a ik dam-e-sard

jannat kī havā meñ so ga.e ham

ab dasht-e-nūr-o-ishq jo ho

us raah meñ kāñTe bo ga.e ham

kausar kā thā zikr hauz-e-mai par

ham kah ke gire ki lo ga.e ham

allāh bachā.e duḳht-e-raz se

ye aa.ī ki mast ho ga.e ham

ab kashmakash-e-hisāb kaisī

kuchh hashr meñ aa ke kho ga.e ham

sau ka.aba-e-dīn the jalva-afroz

ḳhum-ḳhāne meñ aaj jo ga.e ham

maiḳhāne meñ jab kabhī ham aa.e

dāḌhī ro kar bhigo ga.e ham

is haj meñ vo but bhī saath hogā

ye sach hai 'riyāz' to ga.e ham

paya jo tujhe to kho gae hum

bedar hue to so gae hum

dil mein liye ghair ko gae hum

ek aae adam se do gae hum

mahshar mein lagi bujhane aae shaiKH

sidhe tasnim ko gae hum

samjhe na wo zaKHm-o-dagh-e-dil hai

le kar nae phul do gae hum

bhar kar dam-e-naza ek dam-e-sard

jannat ki hawa mein so gae hum

ab dasht-e-nur-o-ishq jo ho

us rah mein kanTe bo gae hum

kausar ka tha zikr hauz-e-mai par

hum kah ke gire ki lo gae hum

allah bachae duKHt-e-raz se

ye aai ki mast ho gae hum

ab kashmakash-e-hisab kaisi

kuchh hashr mein aa ke kho gae hum

sau kaba-e-din the jalwa-afroz

KHum-KHane mein aaj jo gae hum

maiKHane mein jab kabhi hum aae

daDhi ro kar bhigo gae hum

is haj mein wo but bhi sath hoga

ye sach hai 'riyaz' to gae hum