payab mauj uTThi to sar se guzar gai

pāyāb mauj uTThī to sar se guzar ga.ī

ik sarv-qad javān kī dastār utar ga.ī

karne lagā thā ġharq samundar jahān ko

tūfāñ hī maujzan thā jahāñ tak nazar ga.ī

us tīrgī meñ barq kī shoḳhī ajiib thī

ābād vo huā jise vīrān kar ga.ī

so.e badan ke bahr meñ jaagī thī ḳhuuñ kī lahr

jab chaḌh ke sar tak aa.ī to jaane kidhar ga.ī

sehn-e-chaman meñ dil ke lahū kī har ek buuñd

patte ko phuul shāḳh ko talvār kar ga.ī

nāseh ne kū-e-yār kā rasta bhulā diyā

achchhā huā ki hasrat-e-dīdār mar ga.ī

payab mauj uTThi to sar se guzar gai

ek sarw-qad jawan ki dastar utar gai

karne laga tha gharq samundar jahan ko

tufan hi maujzan tha jahan tak nazar gai

us tirgi mein barq ki shoKHi ajib thi

aabaad wo hua jise viran kar gai

soe badan ke bahr mein jagi thi KHun ki lahr

jab chaDh ke sar tak aai to jaane kidhar gai

sehn-e-chaman mein dil ke lahu ki har ek bund

patte ko phul shaKH ko talwar kar gai

naseh ne ku-e-yar ka rasta bhula diya

achchha hua ki hasrat-e-didar mar gai