paDa hai zindagi ke is safar se sabiqa apna
paDa hai zindagi ke is safar se sabiqa apna
Aziz Bano Darab Wafa
MORE BYAziz Bano Darab Wafa
paḌā hai zindagī ke is safar se sābiqa apnā
jahāñ chaltā hai apne saath ḳhālī rāsta apnā
kisī dariyā kī sūrat bah rahī huuñ apne andar maiñ
mirā sāhil baḌhātā jā rahā hai fāsla apnā
luTā ke apnā chehra tak rahī huuñ apnā muñh jaise
koī pāgal ulaT ke dekhtā ho ā.īna apnā
ye bastī log kahte haiñ mire ḳhvāboñ kī bastī hai
gañvā baiThī huuñ meñ bad-qismatī se hāfiza apnā
ga.e mausam meñ maiñ ne kyuuñ na kaaTī fasl ḳhvāboñ kī
maiñ ab jaagī huuñ jab phal kho chuke haiñ zā.iqa apnā
fasāna-dar-fasāna phir rahī hai zindagī jab se
kisī ne likh diyā hai tāq-e-nisyāñ par pata apnā
paDa hai zindagi ke is safar se sabiqa apna
jahan chalta hai apne sath KHali rasta apna
kisi dariya ki surat bah rahi hun apne andar main
mera sahil baDhata ja raha hai fasla apna
luTa ke apna chehra tak rahi hun apna munh jaise
koi pagal ulaT ke dekhta ho aaina apna
ye basti log kahte hain mere KHwabon ki basti hai
ganwa baiThi hun mein bad-qismati se hafiza apna
gae mausam mein main ne kyun na kaTi fasl KHwabon ki
main ab jagi hun jab phal kho chuke hain zaiqa apna
fasana-dar-fasana phir rahi hai zindagi jab se
kisi ne likh diya hai taq-e-nisyan par pata apna
Source:
Karwaan-e-Ghazal (Pg. 484)
- Author: Farooq Argali
-
- Edition: 2004
- Publisher: Farid Book Depot (Pvt.) Ltd
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
