paDe hain rah mein jo log be-sabab kab se
paḌe haiñ raah meñ jo log be-sabab kab se
pukārtī hai unheñ manzil-e-talab kab se
ye aur baat makīnoñ ko kuchh ḳhabar na huī
lagā rahe the muhāfiz magar naqab kab se
koī bhī harba-e-tash.hīr kārgar na huā
tamāshbīñ hī rahī shohrat-e-adab kab se
ukhaḌ ga.ī haiñ tanābeñ sitam ke ḳhemoñ kī
ulaT ga.ī hai bisāt-e-hasab-nasab kab se
na hausla hai duā kā na aah par hai yaqīñ
ki ham se ruuTh gayā hai hamārā rab kab se
samundaroñ se koī mauj-e-sar-buland uThe
ki sāhiloñ pe taḌapte haiñ jāñ-ba-lab kab se
vo ham ne chun diye tanqīd kī salīboñ par
machal rahe the jo kuchh harf zer-e-lab kab se
paDe hain rah mein jo log be-sabab kab se
pukarti hai unhen manzil-e-talab kab se
ye aur baat makinon ko kuchh KHabar na hui
laga rahe the muhafiz magar naqab kab se
koi bhi harba-e-tashhir kargar na hua
tamashbin hi rahi shohrat-e-adab kab se
ukhaD gai hain tanaben sitam ke KHemon ki
ulaT gai hai bisat-e-hasab-nasab kab se
na hausla hai dua ka na aah par hai yaqin
ki hum se ruTh gaya hai hamara rab kab se
samundaron se koi mauj-e-sar-buland uThe
ki sahilon pe taDapte hain jaan-ba-lab kab se
wo hum ne chun diye tanqid ki salibon par
machal rahe the jo kuchh harf zer-e-lab kab se
Source:
Rooh-e-Ghazal,Pachas Sala Intekhab (Pg. 587)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
