paDti hai nazar jab ki par-o-baal par apne

paḌtī hai nazar jab ki par-o-bāl par apne

rotā huuñ qafas meñ bahut ahvāl par apne

ushshāq ke ahvāl pe kyā us ko nazar hai

vo aap divāna hai ḳhat-o-ḳhāl par apne

tahsīn-e-amal kab use manzūr hai ai shaiḳh

nazreñ jo kare aap hī a.amāl par apne

kis tarah se maiñ piir karūñ ishq kā da.avā

phabtī nahīñ ye baat sin-o-sāl par apne

paDti hai nazar jab ki par-o-baal par apne

rota hun qafas mein bahut ahwal par apne

ushshaq ke ahwal pe kya us ko nazar hai

wo aap diwana hai KHat-o-KHal par apne

tahsin-e-amal kab use manzur hai ai shaiKH

nazren jo kare aap hi aamal par apne

kis tarah se main pir karun ishq ka dawa

phabti nahin ye baat sin-o-sal par apne