pahaDon se utarti sham ki bechaargi dekhen
pahāḌoñ se utartī shaam kī bechārgī dekheñ
daraḳhtoñ par laraz kar bujh rahī haiñ āḳhirī kirneñ
bahut hī sard hai ab ke dayār-e-shauq kā mausam
chalo guzre dinoñ kī raakh meñ chingāriyāñ DhūñDeñ
bhalā patthar bhī rote haiñ kabhī shīshe ke zaḳhmoñ par
agar hotā hai aisā to hisāb-e-dostāñ bhūleñ
savād-e-shām meñ DhūñDeñ koī mānūs sā chehra
havā kī rahguzar pe ek nanhā sā diyā rakkheñ
kahāñ alfāz dete haiñ hamārā saath ab 'fikrī'
kahe ash'ār sab be-jāñ huiiñ bekār sab ġhazleñ
pahaDon se utarti sham ki bechaargi dekhen
daraKHton par laraz kar bujh rahi hain aaKHiri kirnen
bahut hi sard hai ab ke dayar-e-shauq ka mausam
chalo guzre dinon ki rakh mein chingariyan DhunDen
bhala patthar bhi rote hain kabhi shishe ke zaKHmon par
agar hota hai aisa to hisab-e-dostan bhulen
sawad-e-sham mein DhunDen koi manus sa chehra
hawa ki rahguzar pe ek nanha sa diya rakkhen
kahan alfaz dete hain hamara sath ab 'fikri'
kahe ash'ar sab be-jaan huin bekar sab ghazlen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
