pahle itna to mera haal kabhi zar na tha

pahle itnā to mirā haal kabhī zaar na thā

aah dil-soz na thī naala sharar-bār na thā

kyoñ pashemān kiyā ai dil-e-nādāñ un ko

qissa-e-ḳhūn-e-jigar qābil-e-iz.hār na thā

zikr-e-farhād sahī qissa-e-mansūr sahī

husn kis rang meñ rusvā sar-e-bāzār na thā

justujū is chaman-ārā kī liye phirtī thī

varna gulshan se mujhe koī sarokār na thā

dil kī duniyā thī ik ummīd pe qaa.em varna

jaan denā shab-e-furqat hameñ dushvār na thā

is tarah suntā huuñ ahvāl-e-nasheman goyā

mujh ko gulshan se kabhī koī sarokār na thā

ai 'rashīd' ab vo zamāna hameñ yaad aatā hai

jab ġham-e-ishq to kyā koī bhī āzār na thā

pahle itna to mera haal kabhi zar na tha

aah dil-soz na thi nala sharar-bar na tha

kyon pasheman kiya ai dil-e-nadan un ko

qissa-e-KHun-e-jigar qabil-e-izhaar na tha

zikr-e-farhad sahi qissa-e-mansur sahi

husn kis rang mein ruswa sar-e-bazar na tha

justuju is chaman-ara ki liye phirti thi

warna gulshan se mujhe koi sarokar na tha

dil ki duniya thi ek ummid pe qaem warna

jaan dena shab-e-furqat hamein dushwar na tha

is tarah sunta hun ahwal-e-nasheman goya

mujh ko gulshan se kabhi koi sarokar na tha

ai 'rashid' ab wo zamana hamein yaad aata hai

jab gham-e-ishq to kya koi bhi aazar na tha