pahle jaisa nahin raha hun

pahle jaisā nahīñ rahā huuñ

maiñ andar tak TuuT gayā huuñ

jaise kāġhaz phaT jaatā hai

do TukḌoñ meñ paḌā huā huuñ

dost mirā kyuuñ saath nibhāte

jab maiñ un ko chhoḌ chukā huuñ

kitnā chhoTā sā lagtā huuñ

duur se ḳhud ko dekh rahā huuñ

shīshe kī dīvāroñ vaale

ik kamre meñ qaid paḌā huuñ

logoñ ke zāhir bātin ko

dekhtā huuñ hañstā rahtā huuñ

tasvīroñ kā qaht paḌā hai

aur maiñ rañg bahā baiThā huuñ

koī merā haal na pūchhe

maiñ jaisā bhī huuñ achchhā huuñ

pahle jaisa nahin raha hun

main andar tak TuT gaya hun

jaise kaghaz phaT jata hai

do TukDon mein paDa hua hun

dost mera kyun sath nibhate

jab main un ko chhoD chuka hun

kitna chhoTa sa lagta hun

dur se KHud ko dekh raha hun

shishe ki diwaron wale

ek kamre mein qaid paDa hun

logon ke zahir baatin ko

dekhta hun hansta rahta hun

taswiron ka qaht paDa hai

aur main rang baha baiTha hun

koi mera haal na puchhe

main jaisa bhi hun achchha hun