pahle kulfat uThai daftar ki

pahle kulfat uThā.ī daftar kī

phir uThe ḳhaak chhānī dar-dar kī

tum ko DhūñDā na dil ke ḳhānoñ meñ

ham ne kunDī bajā.ī har ghar kī

ham to sahrā-navard haiñ bhaa.ī

baat kar yuuñ na ham se tū ghar kī

dard se phaT rahā ho jin kā sar

un ko hājat nahīñ hai patthar kī

terī yādoñ se siina chiir liyā

aur bātoñ ne jā lī ḳhanjar kī

dard ko dil kā de diyā rasta

aur phir ham ne lī ḳhabar sar kī

maare maare phire tirī ḳhātir

sahrā-sūrat banā lī hai ghar kī

ham ko ik laash to girānī hai

kaun silvaT sameTe bistar kī

pahle kulfat uThai daftar ki

phir uThe KHak chhani dar-dar ki

tum ko DhunDa na dil ke KHanon mein

hum ne kunDi bajai har ghar ki

hum to sahra-naward hain bhai

baat kar yun na hum se tu ghar ki

dard se phaT raha ho jin ka sar

un ko hajat nahin hai patthar ki

teri yaadon se sina chir liya

aur baaton ne ja li KHanjar ki

dard ko dil ka de diya rasta

aur phir hum ne li KHabar sar ki

mare mare phire teri KHatir

sahra-surat bana li hai ghar ki

hum ko ek lash to girani hai

kaun silwaT sameTe bistar ki