pahle mazaq-e-dard to paida kare koi

pahle mazāq-e-dard to paidā kare koī

phir apne dil meñ terī tamanna kare koī

chāk-e-jigar ne faash kiyā rāz-e-dard-e-ishq

kyā baat rah ga.ī hai ki pardā kare koī

rūdād-e-ḳhūñ-chakān-e-mohabbat hai har sarishk

is tarah bhī na ḳhūn-e-tamannā kare koī

ye jalva kyā ki kauñd ke bijlī sī rah ga.ī

yuuñ aao sāmne ki nazārā kare koī

zauq-e-talab meñ apnī hī hastī hai sadd-e-rāh

āsāñ nahīñ ki terī tamanna kare koī

ā.īna-e-vajūd meñ ik partav-e-jamāl

is tarah jalva-gar hai ki dekhā kare koī

'farruḳh' agar hai nāsiya-sā.ī kā hausla

pahle sar-e-niyāz to paidā kare koī

pahle mazaq-e-dard to paida kare koi

phir apne dil mein teri tamanna kare koi

chaak-e-jigar ne fash kiya raaz-e-dard-e-ishq

kya baat rah gai hai ki parda kare koi

rudad-e-KHun-chakan-e-mohabbat hai har sarishk

is tarah bhi na KHun-e-tamanna kare koi

ye jalwa kya ki kaund ke bijli si rah gai

yun aao samne ki nazara kare koi

zauq-e-talab mein apni hi hasti hai sadd-e-rah

aasan nahin ki teri tamanna kare koi

aaina-e-wajud mein ek partaw-e-jamal

is tarah jalwa-gar hai ki dekha kare koi

'farruKH' agar hai nasiya-sai ka hausla

pahle sar-e-niyaz to paida kare koi