pahle to ek charagh jalaya hai der tak

pahle to ik charāġh jalāyā hai der tak

phir baad meñ havā se bachāyā hai der tak

mujh pe nazar thī mere raqīboñ kī is liye

maiñ ne bhī ḳhuub rang jamāyā hai der tak

jis ne ye kah diyā maiñ kisī kaam kā nahīñ

ehsās us ko apnā karāyā hai der tak

guzrā nahīñ thā shaḳhs jo mere qarīb se

us ne bulā ke paas biThāyā hai der tak

kar luuñ yaqīn us pe magar mas.ala hai ye

be-vajah us ne haath milāyā hai der tak

paanī se dho liye the sabhī daaġh jism ke

dāman kā daaġh us ne chhuḌāyā hai der tak

kuchh to lahū kā rang bhī halkā nikal gayā

kuchh vaqt ne bhī khel dikhāyā hai der tak

pahle to ek charagh jalaya hai der tak

phir baad mein hawa se bachaya hai der tak

mujh pe nazar thi mere raqibon ki is liye

main ne bhi KHub rang jamaya hai der tak

jis ne ye kah diya main kisi kaam ka nahin

ehsas us ko apna karaya hai der tak

guzra nahin tha shaKHs jo mere qarib se

us ne bula ke pas biThaya hai der tak

kar lun yaqin us pe magar masala hai ye

be-wajah us ne hath milaya hai der tak

pani se dho liye the sabhi dagh jism ke

daman ka dagh us ne chhuDaya hai der tak

kuchh to lahu ka rang bhi halka nikal gaya

kuchh waqt ne bhi khel dikhaya hai der tak