pahle ye ana taq pe dharna hi paDegi

pahle ye anā taaq pe dharnā hī paḌegī

tab jā ke kahīñ ham ko faqīrī ye milegī

daadī ne mire sāmne ik roz kahā thā

ye aaj kī ‘aurat hai ye nā-haq na dabegī

dete haiñ jahāñ peḌ parindoñ ko ishāra

sayyād kī aisī jagah hargiz na chalegī

shiddat kī hai ḳhvāhish ki mile āb-e-hayāt aaj

hai 'umr ko mā'lūm ki ik roz Dhalegī

aane lagī haiñ ab to madīne se sadā.eñ

ai zindagī ab tujh se mirī ḳhuub jamegī

saaya hai mire sar pe buzurgoñ kā hamesha

ai vaqt mire sāmne terī na chalegī

pahle ye ana taq pe dharna hi paDegi

tab ja ke kahin hum ko faqiri ye milegi

dadi ne mere samne ek roz kaha tha

ye aaj ki ‘aurat hai ye na-haq na dabegi

dete hain jahan peD parindon ko ishaara

sayyaad ki aisi jagah hargiz na chalegi

shiddat ki hai KHwahish ki mile aab-e-hayat aaj

hai 'umr ko ma'lum ki ek roz Dhalegi

aane lagi hain ab to madine se sadaen

ai zindagi ab tujh se meri KHub jamegi

saya hai mere sar pe buzurgon ka hamesha

ai waqt mere samne teri na chalegi