pahli fursat mein jhuT bolna hai

pahlī fursat meñ jhuuT bolnā hai

ya.anī ujlat meñ jhuuT bolnā hai

kyā mohabbat meñ bhī munāfiq ho

kyā mohabbat meñ jhuuT bolnā hai

us kī sangat se baaz aa jaao

jis kī sangat meñ jhuuT bolnā hai

nāmvar ho adab qabīle ke

is liyāqat meñ jhuuT bolnā hai

bas mohabbat kā paas rakh lenā

gar muravvat meñ jhuuT bolnā hai

soch lo rizq ruuTh jā.egā

gar sharārat meñ jhuuT bolnā hai

faisla sach kā ho nahīñ saktā

gar haqīqat meñ jhuuT bolnā hai

ghar kī dahlīz se to nikle nahīñ

kis kī chāhat meñ jhuuT bolnā hai

us ke chehre meñ rang bharte hue

apnī rangat meñ jhuuT bolnā hai

āsmāñ chhū rahe ho tum aabid

itnī shohrat meñ jhuuT bolnā hai

hijr kī raat sach kaho 'ābid'

tum ko ḳhalvat meñ jhuuT bolnā hai

pahli fursat mein jhuT bolna hai

yani ujlat mein jhuT bolna hai

kya mohabbat mein bhi munafiq ho

kya mohabbat mein jhuT bolna hai

us ki sangat se baz aa jao

jis ki sangat mein jhuT bolna hai

namwar ho adab qabile ke

is liyaqat mein jhuT bolna hai

bas mohabbat ka pas rakh lena

gar murawwat mein jhuT bolna hai

soch lo rizq ruTh jaega

gar shararat mein jhuT bolna hai

faisla sach ka ho nahin sakta

gar haqiqat mein jhuT bolna hai

ghar ki dahliz se to nikle nahin

kis ki chahat mein jhuT bolna hai

us ke chehre mein rang bharte hue

apni rangat mein jhuT bolna hai

aasman chhu rahe ho tum aabid

itni shohrat mein jhuT bolna hai

hijr ki raat sach kaho 'abid'

tum ko KHalwat mein jhuT bolna hai