pahna bhi kuchh zamane ne aisa libas hai

pahnā bhī kuchh zamāne ne aisā libās hai

māhaul pe zamāne ke ġhairat udaas hai

vo bhuul jaa.eñ ham ko to hai un kā zarf ye

ham ko to ab bhī un kī mohabbat kā paas hai

chehre se apne zulf haTā dījiye zarā

betāb dil hai diid kī āñkhoñ ko pyaas hai

ab to tumhāre ġham ke sahāre hai zindagī

ham ko ḳhushī zamāne kī aa.ī na raas hai

dil toḌne se pahle zarā ye bhī sochiye

har lamha maut zindagī ke aas paas hai

samjhegā 'rāz' kaun yahāñ tere dard ko

kis kī nigāh itnī qayāfa-shanās hai

pahna bhi kuchh zamane ne aisa libas hai

mahaul pe zamane ke ghairat udas hai

wo bhul jaen hum ko to hai un ka zarf ye

hum ko to ab bhi un ki mohabbat ka pas hai

chehre se apne zulf haTa dijiye zara

betab dil hai did ki aankhon ko pyas hai

ab to tumhaare gham ke sahaare hai zindagi

hum ko KHushi zamane ki aai na ras hai

dil toDne se pahle zara ye bhi sochiye

har lamha maut zindagi ke aas pas hai

samjhega 'raaz' kaun yahan tere dard ko

kis ki nigah itni qayafa-shanas hai