paiham diya pyala-e-mai barmala diya
paiham diyā pyāla-e-mai barmalā diyā
saaqī ne iltifāt kā dariyā bahā diyā
us hīla-jū ne vasl kī shab ham se ruuTh kar
nairañg-e-rozgār kā aalam dikhā diyā
allāh rī bahār kī rañg afrīniyāñ
sehn-e-chaman ko taḳhta-e-jannat banā diyā
ab vo hujūm-e-shauq kī sarmastiyāñ kahāñ
māyūsi-e-firāq ne dil hī bujhā diyā
'hasrat' ye vo ġhazal hai jise sun ke sab kaheñ
'momin' se apne rañg ko tū ne milā diyā
paiham diya pyala-e-mai barmala diya
saqi ne iltifat ka dariya baha diya
us hila-ju ne wasl ki shab hum se ruTh kar
nairang-e-rozgar ka aalam dikha diya
allah ri bahaar ki rang afriniyan
sehn-e-chaman ko taKHta-e-jannat bana diya
ab wo hujum-e-shauq ki sarmastiyan kahan
mayusi-e-firaq ne dil hi bujha diya
'hasrat' ye wo ghazal hai jise sun ke sab kahen
'momin' se apne rang ko tu ne mila diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
