pak gai hain aadaten baaton se sar hongi nahin

pak ga.ī haiñ ādateñ bātoñ se sar hoñgī nahīñ

koī hañgāma karo aise guzar hogī nahīñ

in ThiThurtī uñgliyoñ ko is lapaT par señk lo

dhuup ab ghar kī kisī dīvār par hogī nahīñ

buuñd Tapkī thī magar vo būñdoñ bārish aur hai

aisī bārish kī kabhī un ko ḳhabar hogī nahīñ

aaj merā saath do vaise mujhe ma.alūm hai

pattharoñ meñ chīḳh hargiz kārgar hogī nahīñ

aap ke TukḌoñ ke TukḌe kar diye jā.eñge par

aap kī tāzīm meñ koī kasar hogī nahīñ

sirf shā.ir dekhtā hai qahqahoñ kī asliyat

har kisī ke paas to aisī nazar hogī nahīñ

pak gai hain aadaten baaton se sar hongi nahin

koi hangama karo aise guzar hogi nahin

in ThiThurti ungliyon ko is lapaT par senk lo

dhup ab ghar ki kisi diwar par hogi nahin

bund Tapki thi magar wo bundon barish aur hai

aisi barish ki kabhi un ko KHabar hogi nahin

aaj mera sath do waise mujhe malum hai

pattharon mein chiKH hargiz kargar hogi nahin

aap ke TukDon ke TukDe kar diye jaenge par

aap ki tazim mein koi kasar hogi nahin

sirf shair dekhta hai qahqahon ki asliyat

har kisi ke pas to aisi nazar hogi nahin