pal mein yari kar lete ho

pal meñ yaarī kar lete ho

bāteñ achchhī kar lete ho

kahe binā maiñ rah nahīñ pā.ūñ

qaabū dil bhī kar lete ho

jis ke saath bhī jaao usī ko

parchhā.īñ sī kar lete ho

chunte ho tum mushkil maqsad

aur hāsil bhī kar lete ho

dil meñ kyā hai pata hai tum ko

tum an-dekhī kar lete ho

ham se khul kar aisī bāteñ

bas ik tum hī kar lete ho

tum se duur raheñ ham be-shak

tum tai duurī kar lete ho

be-sabrī bhī dekh chuke haiñ

intizār bhī kar lete ho

hameñ bhulā bhī dete ho tum

lekin yaad bhī kar lete ho

jab is darja betābi hai

kaise tasallī kar lete ho

kabhī kabhār to bāteñ 'anjum'

binā baat bhī kar lete ho

pal mein yari kar lete ho

baaten achchhi kar lete ho

kahe bina main rah nahin paun

qabu dil bhi kar lete ho

jis ke sath bhi jao usi ko

parchhain si kar lete ho

chunte ho tum mushkil maqsad

aur hasil bhi kar lete ho

dil mein kya hai pata hai tum ko

tum an-dekhi kar lete ho

hum se khul kar aisi baaten

bas ek tum hi kar lete ho

tum se dur rahen hum be-shak

tum tai duri kar lete ho

be-sabri bhi dekh chuke hain

intizar bhi kar lete ho

hamein bhula bhi dete ho tum

lekin yaad bhi kar lete ho

jab is darja betabi hai

kaise tasalli kar lete ho

kabhi kabhaar to baaten 'anjum'

bina baat bhi kar lete ho