pal pal ghor andhera phir bhi ujli ujli baat karun

pal pal ghor añdherā phir bhī ujlī ujlī baat karūñ

rag rag meñ ik nuur basā hai kyoñ fikr-e-zulmāt karūñ

bachchoñ ne bhī har mausam ko jeb meñ rakhnā siikh liyā

kyā us par bhī ghar āñgan meñ va.adoñ kī barsāt karūñ

apne moharram ghar meñ rakkhūñ eid kā din ban kar niklūñ

majlis majlis mātam kar ke maiñ kyoñ din ko raat karūñ

chaltā purza banñe vaale dekhā to pasmāñda the

aise vaise shahroñ ko jab tab chāhūñ dehāt karūñ

fikr-o-fan kā chehra utre paanī paanī hoñ alfāz

ā.ina-e-iz.hār meñ kyūñkar us ke ruḳh kī baat karūñ

pal pal ghor andhera phir bhi ujli ujli baat karun

rag rag mein ek nur basa hai kyon fikr-e-zulmat karun

bachchon ne bhi har mausam ko jeb mein rakhna sikh liya

kya us par bhi ghar aangan mein wadon ki barsat karun

apne moharram ghar mein rakkhun eid ka din ban kar niklun

majlis majlis matam kar ke main kyon din ko raat karun

chalta purza banne wale dekha to pasmanda the

aise waise shahron ko jab tab chahun dehat karun

fikr-o-fan ka chehra utre pani pani hon alfaz

aaina-e-izhaar mein kyunkar us ke ruKH ki baat karun