palaT kar na dekhenge tumko dobara

palaT kar na dekheñge tum ko dobāra

chalo ab ye va.ada hai tum se hamārā

maiñ vo to nahīñ huuñ jo hotā rahā huuñ

magar ab na hogā vo honā gavārā

kahīñ fā.eda to nazar hī na aa.e

jahāñ dekhiye bas ḳhasāra ḳhasāra

jo miTTī meñ milnā hai sab ko yahīñ kī

to karte bhī kyoñ ho hamārā tumhārā

hameñ saaf lafzoñ meñ khul kar batāo

samajhte nahīñ ham ishāra-vishāra

ye kyā mājrā hai musībat hai kaisī

jahāñ jaa.eñ nazreñ vahīñ vo nazāra

banāo vo kirdār apnā ki duniyā

ye soche zamīñ par hai koī sitāra

hameñ apne uupar bharosā hai puurā

rakho paas apne tum apnā sahārā

ki mushkil meñ 'afrañg' ye yaad rakhnā

yaqīnan samundar kā hogā kināra

palaT kar na dekhenge tum ko dobara

chalo ab ye wada hai tum se hamara

main wo to nahin hun jo hota raha hun

magar ab na hoga wo hona gawara

kahin faeda to nazar hi na aae

jahan dekhiye bas KHasara KHasara

jo miTTi mein milna hai sab ko yahin ki

to karte bhi kyon ho hamara tumhaara

hamein saf lafzon mein khul kar batao

samajhte nahin hum ishaara-wishaara

ye kya majra hai musibat hai kaisi

jahan jaen nazren wahin wo nazara

banao wo kirdar apna ki duniya

ye soche zamin par hai koi sitara

hamein apne upar bharosa hai pura

rakho pas apne tum apna sahaara

ki mushkil mein 'afrang' ye yaad rakhna

yaqinan samundar ka hoga kinara