palkon pe intizar ka mausam saja liya

palkoñ pe intizār kā mausam sajā liyā

us se bichhaḌ ke rog gale se lagā liyā

koī to aisī baat thī ham kuchh na kar sake

saare jahāñ meñ ḳhud ko tamāsha banā liyā

ab ye kise batā.eñ hameñ kyā ḳhushī milī

jis din zarā sā bojh kisī kā uThā liyā

maiñ umr bhar na jaane bhaTaktā kahāñ kahāñ

achchhā huā jo aap ne apnā banā liyā

kitne sakūñ se kaaT dī purkhoñ ne zindagī

jo mil gayā nasīb se chup-chāp khā liyā

ahbāb ko na dījiye ilzām dosto

ham ne to dushmanoñ ko bhī apnā banā liyā

guzre haiñ zindagī meñ bahut tajrabāt se

lekin 'ashok' jiine kā andāz pā liyā

palkon pe intizar ka mausam saja liya

us se bichhaD ke rog gale se laga liya

koi to aisi baat thi hum kuchh na kar sake

sare jahan mein KHud ko tamasha bana liya

ab ye kise bataen hamein kya KHushi mili

jis din zara sa bojh kisi ka uTha liya

main umr bhar na jaane bhaTakta kahan kahan

achchha hua jo aap ne apna bana liya

kitne sakun se kaT di purkhon ne zindagi

jo mil gaya nasib se chup-chap kha liya

ahbab ko na dijiye ilzam dosto

hum ne to dushmanon ko bhi apna bana liya

guzre hain zindagi mein bahut tajrabaat se

lekin 'ashok' jine ka andaz pa liya