panah hum ko azizo yahan mile na mile

panāh ham ko 'azīzo yahāñ mile na mile

yahīñ raheñge magar āshiyāñ mile na mile

musāfiro uTho kas lo kamar safar ke liye

phir is ke baa'd koī kārvāñ mile na mile

vo ham-zabān hai jī bhar ke baat karne do

hamāre shahr meñ kal ham-zabāñ mile na mile

ye apne yaar haiñ in ko dikhāo zaḳhm-e-nihāñ

phir in ke baa'd koī rāz-dāñ mile na mile

khile haiñ phuul jo do chaar hī ġhanīmat haiñ

kise ḳhabar ki kabhī gulsitāñ mile na mile

kaḌī hai dhuup magar ham ko duur jaanā hai

ki sar chhupāne kahīñ sā.ebāñ mile na mile

nishān dhuñdle ye manzil ke ab ġhanīmat haiñ

Dhale jo shaam to koī nishāñ mile na mile

jo ġham-gusār haiñ un se lipaT ke ro leñge

judā hue to koī mehrbāñ mile na mile

tamām shahr ye apne 'ziyā' haiñ aaj magar

zamīñ vatan kī ye kal be-karāñ mile na mile

panah hum ko 'azizo yahan mile na mile

yahin rahenge magar aashiyan mile na mile

musafiro uTho kas lo kamar safar ke liye

phir is ke ba'd koi karwan mile na mile

wo ham-zaban hai ji bhar ke baat karne do

hamare shahr mein kal ham-zaban mile na mile

ye apne yar hain in ko dikhao zaKHm-e-nihan

phir in ke ba'd koi raaz-dan mile na mile

khile hain phul jo do chaar hi ghanimat hain

kise KHabar ki kabhi gulsitan mile na mile

kaDi hai dhup magar hum ko dur jaana hai

ki sar chhupane kahin saeban mile na mile

nishan dhundle ye manzil ke ab ghanimat hain

Dhale jo sham to koi nishan mile na mile

jo gham-gusar hain un se lipaT ke ro lenge

juda hue to koi mehrban mile na mile

tamam shahr ye apne 'ziya' hain aaj magar

zamin watan ki ye kal be-karan mile na mile