parda ulaT ke usne jo chehra dikha diya

Mirza Raza Barq

parda ulaT ke usne jo chehra dikha diya

Mirza Raza Barq

MORE BYMirza Raza Barq

    parda ulaT ke us ne jo chehrā dikhā diyā

    rañg-e-ruḳh-e-bahār-e-gulistāñ uḌā diyā

    vahshat meñ qaid-e-dair-o-haram dil se uTh ga.ī

    haqqā ki mujh ko ishq ne rastā batā diyā

    phir jhāñk-tāk āñkhoñ ne merī shurūa

    phir ġham mere nāloñ ne laggā lagā diyā

    añgḌā.ī donoñ haath uThā kar jo us ne

    par lag ga.e paroñ ne parī ko uḌā diyā

    sīkhī hai us javān ne pīr-e-falak chaal

    hir-phir ke mujh ko ḳhaak meñ āḳhir milā diyā

    vo sair ko jo aa.e to sadqe meñ un ko 'barq'

    har ek gul ne tā.ir-e-nik.hat uḌā diyā

    parda ulaT ke us ne jo chehra dikha diya

    rang-e-ruKH-e-bahaar-e-gulistan uDa diya

    wahshat mein qaid-e-dair-o-haram dil se uTh gai

    haqqa ki mujh ko ishq ne rasta bata diya

    phir jhank-tak aankhon ne meri shurua ki

    phir gham ka mere nalon ne lagga laga diya

    angDai donon hath uTha kar jo us ne li

    par lag gae paron ne pari ko uDa diya

    sikhi hai us jawan ne pir-e-falak ki chaal

    hir-phir ke mujh ko KHak mein aaKHir mila diya

    wo sair ko jo aae to sadqe mein un ko 'barq'

    har ek gul ne tair-e-nikhat uDa diya

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now