parinde jhil par ek rabt-e-ruhani mein aae hain

parinde jhiil par ik rabt-e-rūhānī meñ aa.e haiñ

kisī bichhḌe hue mausam kī hairānī meñ aa.e haiñ

musalsal dhund halkī raushnī bhīge hue manzar

ye kin barsī huī āñkhoñ kī nigrānī meñ aa.e haiñ

ka.ī sāhil yahāñ Duube haiñ aur girdāb TuuTe haiñ

ka.ī tūfān is Thahre hue paanī meñ aa.e haiñ

maiñ jin lamhoñ ke saa.e meñ tumhāre paas pahuñchā huuñ

vo lamhe sajda ban kar merī peshānī meñ aa.e haiñ

nazar bhar kar use dekho to yuuñ mahsūs hotā hai

hazāroñ rañg ik chehre kī tābānī meñ aa.e haiñ

parinde jhil par ek rabt-e-ruhani mein aae hain

kisi bichhDe hue mausam ki hairani mein aae hain

musalsal dhund halki raushni bhige hue manzar

ye kin barsi hui aankhon ki nigrani mein aae hain

kai sahil yahan Dube hain aur girdab TuTe hain

kai tufan is Thahre hue pani mein aae hain

main jin lamhon ke sae mein tumhaare pas pahuncha hun

wo lamhe sajda ban kar meri peshani mein aae hain

nazar bhar kar use dekho to yun mahsus hota hai

hazaron rang ek chehre ki tabani mein aae hain