partaw hai tere ruKH ka jo jam-e-sharab mein

partav hai tere ruḳh kā jo jām-e-sharāb meñ

aatā hai māhtāb nazar āftāb meñ

dekhī shikan jo un kī jabīñ kī itaab meñ

mistar ke ḳhat dikhā.ī diye āftāb meñ

Tapkā jo tere ruḳh se pasīna sharāb meñ

mahtāb se sitāre gire āftāb meñ

yaañ aa.ī maut vaañ jo chhupā ruḳh naqāb meñ

parda rahā ki aa.ī qazā bhī hijāb meñ

vasl-e-ḳhudā hī donoñ ko apne hisāb meñ

nākām meñ vahī hai jo hai kāmyāb meñ

qāsid kī jaan paḌ ga.ī qahr-o-azāb meñ

kyā jaane kyā likhā thā unheñ iztirāb meñ

gauhar sadaf meñ mahr-e-mubīñ hai sahāb meñ

shīsha meñ hai parī ki tarah ruḳh naqāb meñ

hushyār bāġh-e-dahr meñ koī nahīñ rahā

sabza bhī so rahā hai paḌā mast ḳhvāb meñ

ye bad-gumāniyāñ ki abhī kuchh kahā nahīñ

baiThe haiñ vo gaḌhe hue fiqre javāb meñ

ḳhairāt hī pilā de koī jaam sāqiyā

der is qadar na chāhiye kār-e-savāb meñ

dil meñ lagī hai aag ināyat se ishq kī

allāh yuuñ kisī ko na Daale azaab meñ

piitā huuñ maiñ jo sāqī-e-ēsā-nafas baġhair

paatā huuñ saaf maut kī talḳhī sharāb meñ

mahshar meñ hoñge ham sabab-e-baḳhshish-e-jahāñ

hogā tamām hashr hamāre hisāb meñ

ḳhalvat meñ mat bulā.iye 'tālib' hai be-qarār

pesh aa.e kuchh na aur kahīñ iztirāb meñ

partaw hai tere ruKH ka jo jam-e-sharab mein

aata hai mahtab nazar aaftab mein

dekhi shikan jo un ki jabin ki itab mein

mistar ke KHat dikhai diye aaftab mein

Tapka jo tere ruKH se pasina sharab mein

mahtab se sitare gire aaftab mein

yan aai maut wan jo chhupa ruKH naqab mein

parda raha ki aai qaza bhi hijab mein

wasl-e-KHuda hi donon ko apne hisab mein

nakaam mein wahi hai jo hai kaamyab mein

qasid ki jaan paD gai qahr-o-azab mein

kya jaane kya likha tha unhen iztirab mein

gauhar sadaf mein mahr-e-mubin hai sahab mein

shisha mein hai pari ki tarah ruKH naqab mein

hushyar bagh-e-dahr mein koi nahin raha

sabza bhi so raha hai paDa mast KHwab mein

ye bad-gumaniyan ki abhi kuchh kaha nahin

baiThe hain wo gaDhe hue fiqre jawab mein

KHairaat hi pila de koi jam saqiya

der is qadar na chahiye kar-e-sawab mein

dil mein lagi hai aag inayat se ishq ki

allah yun kisi ko na Dale azab mein

pita hun main jo saqi-e-eesa-nafas baghair

pata hun saf maut ki talKHi sharab mein

mahshar mein honge hum sabab-e-baKHshish-e-jahan

hoga tamam hashr hamare hisab mein

KHalwat mein mat bulaiye 'talib' hai be-qarar

pesh aae kuchh na aur kahin iztirab mein