patjhaD mein KHizaon mein tujhe DhunD rahi hun
patjhaD mein KHizaon mein tujhe DhunD rahi hun
Najma Shaheen Khosa
MORE BYNajma Shaheen Khosa
patjhaḌ meñ ḳhizāoñ meñ tujhe DhūñD rahī huuñ
maiñ zard fazāoñ meñ tujhe DhūñD rahī huuñ
bharne haiñ ka.ī rañg mujhe apne diye meñ
kyuuñ tez havāoñ meñ tujhe DhūñD rahī huuñ
niklī huuñ kisī dhun meñ kisī yaad ko le kar
aur ujḌī adāoñ meñ tujhe DhūñD rahī huuñ
maiñ ḳhāk-nashīñ aaj bhī taktī huuñ falak ko
muddat se ḳhalāoñ meñ tujhe DhūñD rahī huuñ
jīvan mujhe munsif ne atā kī haiñ sazā.eñ
maiñ aaj sazāoñ meñ tujhe DhūñD rahī huuñ
tujh se mile bichhḌe hue lamhoñ kī qasam hai
gum-gashta sadāoñ meñ tujhe DhūñD rahī huuñ
'shāhīn' abhī tak ye mire haath haiñ ḳhālī
be-mehr duāoñ meñ tujhe DhūñD rahī huuñ
patjhaD mein KHizaon mein tujhe DhunD rahi hun
main zard fazaon mein tujhe DhunD rahi hun
bharne hain kai rang mujhe apne diye mein
kyun tez hawaon mein tujhe DhunD rahi hun
nikli hun kisi dhun mein kisi yaad ko le kar
aur ujDi adaon mein tujhe DhunD rahi hun
main KHak-nashin aaj bhi takti hun falak ko
muddat se KHalaon mein tujhe DhunD rahi hun
jiwan mujhe munsif ne ata ki hain sazaen
main aaj sazaon mein tujhe DhunD rahi hun
tujh se mile bichhDe hue lamhon ki qasam hai
gum-gashta sadaon mein tujhe DhunD rahi hun
'shahin' abhi tak ye mere hath hain KHali
be-mehr duaon mein tujhe DhunD rahi hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
