patthar mein fan ke phul khila kar chala gaya
patthar meñ fan ke phuul khilā kar chalā gayā
kaise amiT nuqūsh koī chhoḌtā gayā
simTā tirā ḳhayāl to gul-rañg ashk thā
phailā to misl-e-dasht-e-vafā phailtā gayā
sochoñ kī guuñj thī ki qayāmat kī guuñj thī
terā sukūt hashr ke manzar dikhā gayā
yā terī aarzū mujhe le aa.ī is taraf
yā merā shauq raah meñ sahrā bichhā gayā
vo jis ko bhūlne kā tasavvur muhāl thā
vo ahd rafta rafta mujhe bhūltā gayā
jab us ko pās-e-ḳhātir-e-āzurdagāñ nahīñ
muḌ muḌ ke kyuuñ vo duur talak dekhtā gayā
patthar mein fan ke phul khila kar chala gaya
kaise amiT nuqush koi chhoDta gaya
simTa tera KHayal to gul-rang ashk tha
phaila to misl-e-dasht-e-wafa phailta gaya
sochon ki gunj thi ki qayamat ki gunj thi
tera sukut hashr ke manzar dikha gaya
ya teri aarzu mujhe le aai is taraf
ya mera shauq rah mein sahra bichha gaya
wo jis ko bhulne ka tasawwur muhaal tha
wo ahd rafta rafta mujhe bhulta gaya
jab us ko pas-e-KHatir-e-azurdagan nahin
muD muD ke kyun wo dur talak dekhta gaya
Source:
Mujalla Dastavez (Pg. 173)
- Author: Aziz Nabeel
-
- Edition: 2010
- Publisher: Edarah Dastavez
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
