patthar nazar thi waiz-e-KHana-KHarab ki

patthar nazar thī vā.iz-e-ḳhāna-ḳharāb kī

TuuTī hai kyā taḌāq se botal sharāb kī

kuchh āsmāñ ne ḳhaak uḌaa.ī pas-e-fanā

kuchh tum ne ai buto mirī miTTī ḳharāb kī

pī kar na zabt vā.iz-e-kam-zarf se huā

kyā apne saath mai kī bhī miTTī ḳharāb kī

kāñTā huuñ baaġh meñ to maiñ bijlī huuñ charḳh par

ye rañg-e-lāġharī hai vo shakl iztirāb kī

bū-e-sharāb aatī hai har ik nafas ke saath

pahlū meñ dil hai yā koī botal sharāb kī

lail-o-nahār bhī haiñ hasīnoñ ke vāste

din āftāb kā hai to shab māhtāb kī

mere gunah jo chashm-e-karam meñ samā ga.e

āñkheñ jhukā ke rah ga.ī mīzāñ hisāb kī

aa.ī jo ruuh paikar-e-ḳhākī meñ ai 'vasīm'

ghabrā ke bol uThī mirī miTTī ḳharāb kī

patthar nazar thi waiz-e-KHana-KHarab ki

TuTi hai kya taDaq se botal sharab ki

kuchh aasman ne KHak uDai pas-e-fana

kuchh tum ne ai buto meri miTTi KHarab ki

pi kar na zabt waiz-e-kam-zarf se hua

kya apne sath mai ki bhi miTTi KHarab ki

kanTa hun bagh mein to main bijli hun charKH par

ye rang-e-laghari hai wo shakl iztirab ki

bu-e-sharab aati hai har ek nafas ke sath

pahlu mein dil hai ya koi botal sharab ki

lail-o-nahaar bhi hain hasinon ke waste

din aaftab ka hai to shab mahtab ki

mere gunah jo chashm-e-karam mein sama gae

aankhen jhuka ke rah gai mizan hisab ki

aai jo ruh paikar-e-KHaki mein ai 'wasim'

ghabra ke bol uThi meri miTTi KHarab ki