payam le ke hawa dur tak nahin jati
payām le ke havā duur tak nahīñ jaatī
navā-e-ḳhalq-e-ḳhudā duur tak nahīñ jaatī
yahīñ kahīñ pe bhaTaktī haiñ zer-e-charḳh-e-kuhan
hamārī koī duā duur tak nahīñ jaatī
gale meñ halqa-e-zarrīñ halaq meñ luqma-e-tar
tabhī to apnī sadā duur tak nahīñ jaatī
kisī ke chehre ke pīchhe kā haal kyā ma.alūm
shikast-e-dil kī sadā duur tak nahīñ jaatī
mire diye ko bas ik zid sī hai añdhere se
agarche us kī ziyā duur tak nahīñ jaatī
ajiib ḳhauf kā mausam hai in dinoñ 'imrran'
sugandh le ke havā duur tak nahīñ jaatī
payam le ke hawa dur tak nahin jati
nawa-e-KHalq-e-KHuda dur tak nahin jati
yahin kahin pe bhaTakti hain zer-e-charKH-e-kuhan
hamari koi dua dur tak nahin jati
gale mein halqa-e-zarrin halaq mein luqma-e-tar
tabhi to apni sada dur tak nahin jati
kisi ke chehre ke pichhe ka haal kya malum
shikast-e-dil ki sada dur tak nahin jati
mere diye ko bas ek zid si hai andhere se
agarche us ki ziya dur tak nahin jati
ajib KHauf ka mausam hai in dinon 'imrran'
sugandh le ke hawa dur tak nahin jati
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
