peD aangan ke tere jab barwar ho jaenge

peḌ āñgan ke tire jab bārvar ho jā.eñge

dostoñ ke haath ke patthar idhar ho jā.eñge

mere ashkoñ ke ye qatre laakh be-qīmat sahī

jab tire dāman pe Tapkeñge guhar ho jā.eñge

kyā ḳhabar thī ham idhar ghar meñ jalā.eñge charāġh

us taraf jhoñke havā ke bā-ḳhabar ho jā.eñge

is jahān-e-be-amāñ meñ barg-e-āvāra haiñ ham

jab chalegī tez āñdhī dar-ba-dar ho jā.eñge

zulmatoñ se haar māneñge na ai 'āzād' ham

ḳhud farozāñ ho ke sham-e-rahguzar ho jā.eñge

peD aangan ke tere jab barwar ho jaenge

doston ke hath ke patthar idhar ho jaenge

mere ashkon ke ye qatre lakh be-qimat sahi

jab tere daman pe Tapkenge guhar ho jaenge

kya KHabar thi hum idhar ghar mein jalaenge charagh

us taraf jhonke hawa ke ba-KHabar ho jaenge

is jahan-e-be-aman mein barg-e-awara hain hum

jab chalegi tez aandhi dar-ba-dar ho jaenge

zulmaton se haar manenge na ai 'azad' hum

KHud farozan ho ke sham-e-rahguzar ho jaenge