peD par jaane kis ka dhyan paDa

peḌ par jaane kis kā dhyān paḌā

ek patthar kahīñ se aan paḌā

ek hijrat to mujh ko thī darpesh

hijr bhī us ke darmiyān paḌā

ye shab-e-tār-tār merī ridā

ye sitāroñ kā sā.ebān paḌā

ek palḌe meñ rakh diyā tujh ko

dūsre meñ thā ik jahān paḌā

kaisī Thokar lagī ye sapne meñ

aañkh par kis kā ye nishān paḌā

ek muTThī meñ phir zamīñ simTī

ek aañsū meñ āsmān paḌā

zindagī yaad aa ga.ī mujh ko

phir tirī samt merā dhyān paḌā

tū ne nām-o-nishāñ diyā mujh ko

merā honā thā be-nishān paḌā

girte rahte haiñ is meñ shām-o-sahar

bhartā rahtā hai ḳhāk-dān paḌā

ye hai kashtī vajūd kī 'jānāñ'

ye phaTā dil kā bādbān paḌā

peD par jaane kis ka dhyan paDa

ek patthar kahin se aan paDa

ek hijrat to mujh ko thi darpesh

hijr bhi us ke darmiyan paDa

ye shab-e-tar-tar meri rida

ye sitaron ka saeban paDa

ek palDe mein rakh diya tujh ko

dusre mein tha ek jahan paDa

kaisi Thokar lagi ye sapne mein

aankh par kis ka ye nishan paDa

ek muTThi mein phir zamin simTi

ek aansu mein aasman paDa

zindagi yaad aa gai mujh ko

phir teri samt mera dhyan paDa

tu ne nam-o-nishan diya mujh ko

mera hona tha be-nishan paDa

girte rahte hain is mein sham-o-sahar

bharta rahta hai KHak-dan paDa

ye hai kashti wajud ki 'jaanan'

ye phaTa dil ka baadban paDa