peT ki aag mein barbaad jawani kar ke
peT kī aag meñ barbād javānī kar ke
panchhī lauTe haiñ abhī naql-e-makānī kar ke
ḳhāna-e-dil meñ ghaḌī-bhar ko Thaharnā hai unheñ
phir guzar jā.eñge har baat purānī kar ke
'ishq iz.hār kā tālib hai na matlūb-e-nazar
fā.eda kyā hai miyāñ sho.ala-bayānī kar ke
ab vahāñ ḳhaak uḌā kartī hai armānoñ kī
ham chale aa.e the manzil pe nishānī kar ke
paar lag jā.egā sāñsoñ kā safīna ik roz
dhaḌkanoñ meñ tirī yādoñ se ravānī kar ke
chand lamhoñ kā mirā us kā safar thā aisā
raat ho jaise kahīñ shaam suhānī kar ke
us kī nazroñ meñ haqīqat hai fasāna 'zākir'
chhoḌ jā.egā mujhe ab vo kahānī kar ke
peT ki aag mein barbaad jawani kar ke
panchhi lauTe hain abhi naql-e-makani kar ke
KHana-e-dil mein ghaDi-bhar ko Thaharna hai unhen
phir guzar jaenge har baat purani kar ke
'ishq izhaar ka talib hai na matlub-e-nazar
faeda kya hai miyan shoala-bayani kar ke
ab wahan KHak uDa karti hai armanon ki
hum chale aae the manzil pe nishani kar ke
par lag jaega sanson ka safina ek roz
dhaDkanon mein teri yaadon se rawani kar ke
chand lamhon ka mera us ka safar tha aisa
raat ho jaise kahin sham suhani kar ke
us ki nazron mein haqiqat hai fasana 'zakir'
chhoD jaega mujhe ab wo kahani kar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
