phal aate hain phul TuTte hain

phal aate haiñ phuul TūTte haiñ

ḳhurdoñ se buzurg chhūTte haiñ

khultī nahīñ gul kī bad-mizājī

ġhunche nahīñ muñh se phūTte haiñ

karte haiñ yahāñ hasīñ tārāj

nabbash lahad meñ lūTte haiñ

hotā hai firāq jān-o-tan meñ

buroñ ke milāp chhūTte haiñ

ik but se mo.āmla darpesh

patthar se nasīb phūTte haiñ

aaseb haiñ gesūvān-e-māshūq

kab ham se lipaT ke chhūTte haiñ

dil le ke vo jaan ke haiñ ḳhvāhāñ

har pahar ke mujhī ko lūTte haiñ

har-vaqt hai koft apne dil ko

rah rah kar siina kūTte haiñ

ḳhat paḌhtā hai merā kyā kahūñ kaun

aġhyār kī diid se phūTte haiñ

rone-dhone se fā.eda 'bahr'

kab siine ke daaġh chhūTte haiñ

phal aate hain phul TuTte hain

KHurdon se buzurg chhuTte hain

khulti nahin gul ki bad-mizaji

ghunche nahin munh se phuTte hain

karte hain yahan hasin taraj

nabbash lahad mein luTte hain

hota hai firaq jaan-o-tan mein

buron ke milap chhuTte hain

ek but se moamla darpesh

patthar se nasib phuTte hain

aaseb hain gesuwan-e-mashuq

kab hum se lipaT ke chhuTte hain

dil le ke wo jaan ke hain KHwahan

har pahar ke mujhi ko luTte hain

har-waqt hai koft apne dil ko

rah rah kar sina kuTte hain

KHat paDhta hai mera kya kahun kaun

aghyar ki did se phuTte hain

rone-dhone se faeda 'bahr'

kab sine ke dagh chhuTte hain